Кадерле дуслар! Сезне ихлас күңелдән өр-яңа 2025 ел белән тәбрик итәбез!
Бүгеннән һәрберебезнең гомер хисабына, бүләк итеп, 365 яңа көн күчәчәк. Ул көннәрнең һәрберсенең кадерен аңлап, рәхмәтле булып кичерергә язсын!
Яңа ел яңа башлангычларга, яңа үрләргә, яңа ачышларга юмарт булсын! Яңа ел һәммәбезгә дә ныклы сәламәтлек, бәрәкәтле ризыклар, бетмәс-төкәнмәс сөенечләр алып килсен! Илләргә иминлек иңсен! Балалар пар канатлы булып үссен!
Яңа елда хыялларыгыз тормышка ашсын, якыннарыгыз һәрвакыт янәшә булсын!
Туфан ага Миңнуллин әйткәндәй, бәхетнең аның искесе дә ярый, яңа ел яңа кайгылар алып килмәсен🤲!
