Бүген, изге җомга көнендә, Әҗәкүл авылында мәчет төзелеше башланып китте. Хәтерләсәгез, Аллаһ йортына тәүге нигез ташы 2022 елда салынган иде.
Мәчетле булу әҗәкүллелеләрнең озак еллар күңел түрендә йөрткән иң изге хыялы булып торган. Ниһаять, алар шушы хыялга ныклы адым ясый.
Җирле җитәкчелек билгеләп үткәнчә, мәчет төзелеше игелекле авыл халкы, райондашларыбыз, район җирлегендә эшчәнлек җәелдергән шәхси эшмәкәрләр, шушы җирлектә туып-үсеп, бүгенге көндә читтә яшәүче якташларыбыз хисабына барачак.
Озакка сузмый гына, изге гамәлнең матур нәтиҗәсен күрергә насыйп булсын!
