Без сыерчык ояларын яз көне эләбез, искеләрен дә язга чыккач яңартабыз. Баксаң, бу эшне елның теләсә кайсы фасылында да башкарырга була икән. Ә иң яхшысы — сыерчык оясын көздән элү.
Кошлар артык купшы «өй»ләрне яратмый. Оялары 2-2,5 см калынлыктагы кипкән тактадан эшләнгән булса яхшы. Иң мөһиме: тактаның эчке ягы шомартылмаган булырга тиеш.
Картон, фанер, пластмассадан кош оясы ясарга ярамый. Бу материаллар тавыш үткәрүчән, салкын көннәрдә ояда салкын, бик эссе вакытта артык кызу булачак.
Сыерчыклар кеше һәм машиналар күп йөри торган җиргә урнаштырылган ояны яратмый.
Интернет киңлекләрендә менә шундый киңәшләргә тап булырга мөмкин, дуслар!
