Хөрмәтле җирле үзидарә органнары хезмәткәрләре һәм ветераннары, депутатлар! Сезне һөнәри бәйрәмегез белән тәбрик итәбез!
Җирле үзидарә гомер-гомергә халыкка иң якын торган хакимият структурасы булып исәпләнә. Шуңа күрә дә җирле үзидарә органнарында хезмәт куючылар халык белдергән ышанычны акларга, аның мәнфәгатьләрен канәгатьләндерергә бурычлы. Хакимият һәм халык үзара тыгыз хезмәттәшлек иткәндә генә, район югары нәтиҗәләргә ирешергә сәләтле.
Җирле үзидарә органы хезмәткәре дигән титулга ия булучылар халык яшәеше өчен җаваплы булуларын онытмасыннар иде. Җаваплы хезмәтегездә уңышлар юлдаш булсын сезгә! Халык хөрмәтен тоеп, аның рәхмәтен ишетеп эшлисез икән — бу сезнең һөнәри осталыгыгызга иң югары бәя!
