Актанышта — Гаилә, мәхәббәт һәм тугрылык көне

Бүген ил күләмендә билгеләп үтелгән Гаилә, мәхәббәт һәм тугрылык көнендә Актаныш районы ЗАГС бүлеге озак еллар парлы гомер кичергән 8 гаиләне хөрмәтләде. Яңа Богады авылыннан Фирая һәм Азат Якуповлар, Аеш авылыннан Галия һәм Рәсимҗан Акмаловлар, Җәмгыя һәм Зәнил Маликовлар, Бурсык авылыннан Сания һәм Фәнис Рәхимовлар, Актаныштан Сирина һәм Илфат Иманаевлар, Вәфия һәм Назыйф Исламовлар, Әлүсә һәм Рафис Вәлихановлар, Актанышбаштан Гүзәл һәм Шәрип Насриевлар, Чирү авылыннан Рәмилә һәм Шәйхенур Салиховлар әлеге олуг мәгънәгә ия бәйрәмнең асылташлары булып балкыды. Бәйрәм чарасына чакырулы гаиләләр арасында үзләренең тимер, алтын, зөбәрҗәт, бриллиант туйларын каршы алучы бәхетле парлар бар иде.