Май ае дәвамында сакланган салкыннарның аяныч нәтиҗәсен бакчачылар сизми калмагандыр.
Күпләр бакча җиләгенең чәчәкләрен дә суыклар алган, дип фаразлый. Чыннан да, игътибар белән карасаң, җиләк чәчәкләрененең үзәге каралган — бу инде быел аның җиләге булмый дигән сүз. Сәбәбе — нәкъ менә язгы салкыннар.
Тәҗрибәле бакчачылар җиләкнең мондый чәчәкләрен өзеп ташларга киңәш итә — болай иткәндә, бакча җиләге көчен буш чәчәкләргә түгел, ә сәламәтләренә сарыф итәчәк.
